Birao Sampana Frantsa

TENY AVY AMIN'NY FILOHA

Fifaliana lehibe ho anay ny mandray anao mpamaky eto amin'ny Tranonkalan'ny HAVATSA-UPEM Sampana Frantsa.

Isaorana ary ankaherezina ny fahaliananao amin'ny teny malagasy, amin'ny haisoratra sy kolontsaina nentin-drazana, amin'ny maha Malagasy izay mendrika hotahirizina sy homena lanjany mihitsy.

Mila iainana izany rehetra izany, ka santionany amin'ireo zava-bitan'ny fikambanana, na fikasana, na fifampizarana eo amintsika roa tonta no ho hitanareo eto. Efa nisy Birao telo nifanesy nialoha ny Birao am-perinasa toa anatin'izay folo taona izay.

Mbola santatra ambavarano ihany izay hitanao izao, ary ialana tsiny ny tsy fahalavorariana izay mety hisisika eny fa eo am-panefena ny tranonkala rahateo izahay, saingy marihinay amin'izao fahafolo taonan'ny Fikambanana izao ny fisokafan'ny Tranonkala indray.

Ny mpikambana rehetra dia mitondra ny anjara birikiny amin'ny fanajariana ny fikambanana. Ny Birao dia mandrindra izay atolotra sy izay nomena.

Indreto avy ny mpikambana ao amin'ny Birao :

Filoha : Hanitr'Ony

Filoha lefitra : Lalah

Tonia : Andrymann

Mpitambola : Antsiva

Mpitantsoratra : Andamioly

Misaotra tompoko,

Hanitr'Ony

Filohan'ny HAVATSA-UPEM Sampana Frantsa